博洛尼亞受讓得米

猪拉多纳

巴神坐波監AC投晒降

意甲開快車，焦點肯定係AC米蘭，事關射手巴洛迪利上仗賽後同球證爭拗，唔止領紅牌，仲被追罰停賽三場，據悉唔少隊友對佢有怨言，搞到更衣室內氣氛非常差。「紅黑兵團」本來已經傷兵滿營，依家再缺少「巴神」，今晚作客博洛尼亞，實在危危乎，讓唔起對手。阿King以博洛尼亞「讓球主勝」作為重心，再串拿玻里「讓球主勝」，以及羅馬客W。

（周四凌晨2時45分開賽）

巴洛迪利被罰坐三場波監，意味將缺陣對博洛尼亞、森多利亞、祖雲達斯，AC已決定放棄上訴，「巴神」鹵莽行為已破壞球隊利益，AC傷兵一大籮，三位進攻主將卡卡、艾沙拉維、蒙杜利禾倦勤，靠晒巴洛迪利食胡，但佢偏偏唔生性停賽，只能用缺態嘅羅賓奴及水準飄忽嘅馬特尼攻堅，火力大打折扣。後防亦有阿巴迪、迪施基利奧養傷，情況甚惡劣，唔好話要贏，甚至要攞一分都有難度。
拿玻里明恰薩斯索羅

另外，兩支聯賽四戰全勝球隊拿玻里及羅馬分途出擊，拿軍喺賓尼迪斯執教下，近兩仗先後擊敗多蒙特及AC米蘭，愈戰愈勇，更何況今場對手只係四戰輸晒、兼剛吞國際米蘭七蛋嘅薩斯索羅，拿玻里主場炒得起對手。羅馬上仗打吡戰力挫拉素，屬於近年最佳開局，可乘勝追擊作客再贏埋森多利亞。