多蒙特搵紐倫堡大發洩

猪拉多纳

多蒙特周中喺歐聯作客輸咗畀拿玻里，賠了夫人又折兵，門將維丹費拿同教練高普先後被逐離場，中堅曉姆斯傷出，連後備門將蘭格歷克都撞埋門柱度變咗崩牙仔，球隊谷埋一肚氣，今晚重返開咧至今5戰全勝嘅德甲聯賽，作客紐倫堡要盡情洩憤，黑柴撐大盤。

多蒙特喺歐聯頭頭碰着黑，但對陣容影響唔算大，維丹費拿同高普於聯賽不受紅牌影響，曉姆斯賽後亦證實冇乜大礙，今晚可以強陣搵紐倫堡洩憤。

紐倫堡至今仲未開齋，不過新帥韋辛加嘅開放足球予人好感，前線有咗丹尼爾真錫克做進攻重心，死球又有清武弘嗣主理，有足夠入球本錢同多蒙特對攻，今場吼大盤。