利物浦恃細撲擊聖人

猪拉多纳

榜首紅軍再上陣，但失去靈魂菲臘比古天奴，主場鬥修咸頓唔易踢！利物浦無論隊形、鬥志都比過去幾季為佳，主場亦極具威勢，「聖人」狀態麻麻攻力曳，今場可捧紅軍小勝，細盤亦要(目及)實。
超強沙高體測谷爆訓練機

紅軍本季前、後兩線實力均有所提升，後防購入貴價貨馬馬度沙高，呢名法國後衞以力取勝，早前到米活體測時，連球會部體能訓練機都整壞埋，加上今場丹尼爾艾格復出，配合史卡迪爾同高路托尼，後防信得過。衰就衰在中場發電機古天奴受傷缺陣，利物浦今戰極可能控制大局，但只能小勝。

修咸頓整體戰鬥力唔曳，但前鋒奧斯華度仍要時間融入球隊，列基林拔目標太大，亦好難有作為。「聖人」係本季英超射門中龍次數最低球隊，本季四場聯賽入得兩球，今戰吼埋細盤。