周日曼市打吡和波就好喇

猪拉多纳

上周爆了一個小冷門，車仔竟然輸波，一向寸嘴的莫連奴睇嚟最近都冇得串嘴了。記者問到佢口啞啞，其實唔單止莫帥，成班車仔前鋒都啞晒火，最後要很久沒有比賽的伊度奧上場，要怪就怪費蘭度托利斯和丹巴巴亞唔爭氣吧！至於今周有一場大戰唔講唔得，那就是曼市打呲了。

（now 621周日晚10時30分直播）
英超父子兵陪你追月

早兩年巴神在曼城時，我當然全力支持曼城，如今沒有了巴神，總覺得曼城沒有一個可以改寫戰局的球員。曼聯方面，一向以來真正的關鍵人物都不是球員而是費Sir，今季改為莫耶斯領軍後都沒有一場充滿說服力的聯賽勝仗，所以我覺得兩邊各有不足，最好和波收場，如此我的真正愛隊——今周主場對史篤城的阿仙奴便有好處了。

（now 621周日晚8時30分直播）

今日是中秋節，我同大家一樣和家人賞月，各位又會唔會同爸爸一同賞月睇波呢？事關今集「球分」會講一班英超父子兵，當中有可能出現的包括舒米高、恩斯或者列納。我祝大家人月兩團圓，記得明晚一邊食月餅追月，一邊拎起搖控同我們一齊玩球分啦！今集更加有鄭兆聰同袁文傑做嘉賓，同我哋一齊玩添！

（now 101周五晚10時30分直播）