西維爾猛火大斯殺

猪拉多纳

Ｈ組另一支西甲球隊西維爾作客葡超代表艾斯杜尼，西維爾雖然季前出售兩位進攻主將尼格度同捷西斯拿華斯，但對火力並冇受影響，上仗聯賽作客攻入巴塞隆拿兩球，可謂贏盡口碑。艾斯杜尼屬於葡超新興勢力，預料雙方將互相駁火，一於捧1.78倍入球大。

（有線63台周五凌晨3時05分直播）
兩軍鋒將鬥數胡

西維爾出售尼格度同捷西斯拿華斯畀曼城，獲得超過三千萬鎊收入，繼而簽入多位球員補充實力，可謂除笨有精。呢班新兵表現對辦，甚具級數。馬高馬連、魯爾洛斯古、卡路士巴卡分別於上兩圈入波，助球隊係呢四場歐霸盃轟入18球。西維爾上仗西甲僅輸巴塞2比3，表現出高昂士氣，今仗對手只係艾斯杜尼，更加會放膽搶攻。

艾斯杜尼上季升上葡超即取得第五名，巴西中場艾雲度高比腳風非常腳，今季四場聯賽已有四球進帳。艾斯杜尼難得參加歐洲賽，兼且主場出擊，鬥心一定強，一於同對手鬥攻，大盤乃不二之選。