武里南聯主場復仇爆格

猪拉多纳

近年亞洲多國經濟起飛，對足運發展亦有幫助，就以中國為例，領導人特別重視足球，自然有好多人幫手搞波。中超近年愈搞愈好，吸引唔少球星去當地搵食，咁多球會當中，以FC廣州（廣州恒大）投放最多資源，班主大灑金錢盡擸優質土炮，仲鼓勵班兵為球隊拚搏，態度相當正面，確係抵讚！
FC廣州讓波唔抵玩

同樣係踢太公波，大家睇睇一眾英超球會態度好唔同，利物浦個射手史杜列治之前話傷唔可以為英格蘭上陣，轉頭突然好番，為球會落場鬼死咁生猛，明眼人一睇就知咩事啦，唔通「紅軍」入面有神醫咩！好多人都鬧「紅軍」同史杜列治，其實英超球員詐傷唔踢「太公波」唔係第一次，比起呢班逃兵，廣州班球員好好多！FC廣州殺入亞冠盃八強，晉級形勢大好，但作客讓波唔抵玩。

相反另一間新興亞洲球會武里南聯個陣執到好靚，更值得留意！泰超近年靜靜起革命，富豪球會武里南聯簽入大批優質西班牙兵，部分直頭有西甲水平，出到去打亞冠盃都有得揮。大軍首回合作客伊朗勁旅艾斯迪格拿力戰僅敗，返主場贏得，平手盤抵玩！

（now 671周三晚7時直播）
肥叔心水

武里南聯平手盤

史浩克04上盤

阿仙奴上盤

拿玻里下盤

阿積士下盤