（日）49拿玻里未夾熟撐唔「洛」

猪拉多纳

拿玻里新季星光熠熠，但多生力軍加盟，點都要時間Tune好隊波，今晚主場恭候死守嘅博洛尼亞隨時老鼠拉龜，捧3.05倍「讓客」。

今仗係新帥賓尼迪斯回歸意甲第一擊，佢哋有連拿把關，中場有恩斯治尼同咸錫孭飛，前線又有彭迪夫同希古恩攻堅，人腳咁猛對住博洛照計好易食。但拿玻里上季牌面一樣贏晒，點知連同意盃在內，3次同博洛交手只得1勝2負，對上3次主場鬥博洛更加開晒「讓客」，都咪話唔邪！

博洛有基拿甸奴、加比亞甸尼同施列迪泰達離隊，根本冇本錢同你鬥攻，所以教練皮奧利已經講明會打穩守突擊，要守得住未夾熟嘅拿玻里大軍唔係冇機。