維拉升呢唔怕紅軍

猪拉多纳

唔少人都睇死阿士東維拉，皆因佢哋頭3戰就要面對阿仙奴、車路士同利物浦。點知呢班細路一啲都唔失禮，今晚佢哋返主場鬥利物浦，有力坐和望贏，受讓撐1.88倍「讓球主勝」。

（now621台及廣東體育周日凌晨0:30直播）
利物浦冇哨牙蘇始終爭啲

「維拉BB」首戰反勝兵工廠盡顯鬥志，第二場對住車仔，如果唔係球證鬆手冇趕伊雲洛域出場，維拉至少執番1分。點都好，經過上季護級嘅磨練後，維拉成隊波升晒呢，尤其係佢哋成功留住賓迪基，呢位比利時前鋒2場波已轟入3球，狀態弗到漏，鋒力夠晒保證。

對家利物浦雖然買咗唔少新兵，但冇咗停賽射手蘇亞雷斯喺前線，把握力始終都係差啲。最大鑊係佢哋條防線成日犯錯，上仗對史篤城就有中堅丹尼爾艾格犯天條，好彩門將米洛列特救出12碼先勉強保住勝局，真係睇見都覺得牙煙！