不來梅 紅牛齊做「大」Show

猪拉多纳

上季收咧後被炒魷嘅雲達不來梅教練舒哈夫，能夠以進攻足球推翻拜仁慕尼黑王朝，認真唔簡單。雖然舒哈夫執包袱，但頂上嘅新教練杜特，相信唔會立亂改變不來梅球迷最鍾意嘅喪攻風格，今晚雲達不來梅喺德甲主場對奧格斯堡，應該會開入球大，送番場入球騷畀球迷做見面禮。

另一場揀美職聯嘅紐約紅牛主場對費城聯，都係要入球大，原因好簡單，上星期紅牛作客淨吞哥倫布機員兩蛋，主要係因為兩大天王亨利同卡希爾同時缺陣，但大家唔使驚，紐約消息話亨利同卡希爾已經好番，準備好復出搏殺，有佢哋幫手，紅牛根本唔憂冇波入，雖然串埋頭關得3倍唔算太好分，但有錢收最緊要，趁歐洲聯賽開咧搵定啲本嘛！