西甲開戰華倫「-1」馬到功成

猪拉多纳

新一季西班牙甲組聯賽今晚開鑼，雖然兩大班霸巴塞及皇馬尚未登場，但仲有華倫西亞撐住，佢哋喺主場迎戰馬拉加。華倫改由名宿杜傑帶隊，迅速穩定軍心，相反馬拉加嚴重失血成隊散晒，「蝙蝠兵團」今仗可望旗開得勝，斯維強捧「讓球主勝」。（now 632周日清晨5時直播）

儘管華倫西亞將高效射手蘇爾達杜賣畀熱刺，不過該隊立即從薩拉戈薩補入葡萄牙箭頭普斯迪加，鋒線未致大走樣，最重要係今夏改由杜傑掌帥，呢位名宿對華倫非常熟悉，令上季內部動盪不安嘅環境大為改善，季前熱身賽不乏佳作，包括豪贈國米四蛋，可見球隊嘅士氣及狀態穩步上揚。

馬拉加星散換帥都冇計
若你睇過馬拉加嘅星散名單，只能用恐怖嚟形容，包括「金童」艾斯高、祖亞昆、巴迪斯達、迪米捷利斯、沙維奧拿、杜拿蘭等球星全部統統跳船，仲要搵嚟冇料扮四條嘅前皇馬主帥舒斯達執教，情況堪憂，作客聽畀「蝙蝠兵團」蹂躪，「讓球主勝」咪走寶。