烏拉圭東瀛遊歎細界

猪拉多纳

雙方球星驚傷影響聯賽開咧
今個周中國際賽檔期有多場矚目熱身賽上演，亞洲王者日本會喺主場同南美冠軍烏拉圭拍跳，今次對決睇落頗有睇頭。不過，雙方都有唔少球星喺歐洲主流聯賽搵食，家陣啲聯賽陸續開咧，為免有乜損傷，今戰難免會有所避忌，玩細盤最好！

（有線61及201台周三晚6時20分直播）

日本早前喺東亞盃派出全日職陣容出戰，最終仍然順利封王，保住東亞王者地位，證明佢哋級數真係好高。主帥沙哲朗尼今次搵番大批外流球員幫手，曼聯中場香川真司、緬恩斯前鋒岡崎慎司、紐倫堡中場清武弘嗣及禾夫斯堡中場長谷部誠等悉數入選，連盛傳會轉投AC米蘭嘅莫斯科中央陸軍球星本田圭佑都在陣。

日本遣精銳擺款多過砌
不過，點兵齊腳唔等於一定會搏殺，依家德甲已重開，英超亦即將打到嚟，日本班海外兵團必定唔想因為一場太公波搞到受傷影響喺球會嘅前途。

另一邊廂烏拉圭同樣睇落好有誠意，佢哋初選大軍名單有齊三大射手蘇亞雷斯、卡雲尼同科蘭，不過，卡雲尼已率先稱傷退隊，至於近排畀利物浦阻住轉會嘅「哨牙蘇」心情唔荒好，去到日本志在散心，佢依家只係一心諗住轉會，必定唔想搏傷搞到走唔甩，所以就算落到場都係Hea踢。

兩隊都有份參戰早前洲際國家盃，當時未有機會交手，今場波本來係幾精彩，可惜賽期安排喺尷尬日子，預期雙方會以唔傷為目標，和和氣氣捱到完場，捧細盤啱數。