甘岡主場惡唔赦馬賽

猪拉多纳

執教一間球會同管理一間菠菜公司有唔少相似之處，話事人一定要夠硬淨，有魅力同管治威信，咁先可以喺業界建立名聲，幫公司打好根基。正所謂蛇無頭不行，有個超級領袖帶住真係好緊要，否則叻極有限！

曼聯今夏失去傳奇教頭費格遜，氣氛完全唔同晒，新帥莫耶斯係有料，但只擅教中型班，同帶住超級大會「紅魔鬼」係兩回事，淨係睇佢增兵處處碰壁，已經知道佢牙力有限。喺處理朗尼離隊危機，莫耶斯亦顯得束手無策，充分反映佢同老費差距有幾大。「紅魔鬼」今晚於社區盾對住英冠隊韋根，表面高兩班，實際無甚優勢，讓到球半、兩球太多，博下盤。

依家歐洲大部分聯賽處於季初階段，肥叔幾時都同大家講，呢個時候係發掘銀行隊最佳時機，最好就係吼升班球隊，貪佢哋進入升軌後勢頭好。今晚法甲賽事甘岡主場對馬賽，升班球隊甘岡主場好惡，有力偷雞，呢隻下盤咪走雞。（周一凌晨3時開賽）