法甲開咧撐PSG響頭炮

猪拉多纳

今晚（五）17場蒙彼利埃主場鬥巴黎聖日耳門，正式為法甲揭開戰幔。PSG今季面對摩納哥強勢挑戰，當然要打響聯賽頭炮，趁機宣示法甲班霸主權，放心捧1.67倍客勝。

拉瓦勒未夾熟卡昂抵玩
PSG主帥白蘭斯日前講明，重金羅致嘅卡雲尼今場未必落得場，但老實講PSG板櫈深度咁厚，一兩件傷兵算得啲乜？前線淨係伊巴謙莫域拍住拿維斯已經夠煞食，要食住捧法冠盃氣勢贏波唔難。

至於同晚嘅法乙，拉瓦勒上季喺掹車邊護級成功後，球會高層雖然決心改革，可惜開鑼戰同法聯盃首圈接連落敗，今晚即使有主場之利都信唔過，寧捧季初大勇嘅卡昂客W。