祖記國米Hea踢獻細

猪拉多纳

國際冠軍盃進行最後一輪賽事，第七名爭奪戰由祖雲達斯對國際米蘭。話就話係意大利打吡，但兩隊對於國外熱身賽都唔太上心，少有派主力擔正。祖雲達斯與國際米蘭繼續揸流攤係意料中事，相信今場戰況會較為平淡，細盤開出機高。（now 632及621周三早上6時30分直播）

兩隊都出二線兵
國米暑期有多名後生仔加盟，而且教練馬沙利又剛啱至接任，所以球員及教練團隊都處於磨合期，根本談唔上有競爭力。就近幾場熱身賽所見，馬沙利並冇一套特定戰術及排陣，只不過借比賽去了解球員，今場對戰祖雲達斯亦唔會有太大改變。祖記情況有少少唔同，陣中有大量球員參與過洲際國家盃，故此好遲至歸隊，主力球員喺假後狀態未足，故此教練干地只派二線兵上陣，新加盟嘅洛蘭迪及泰維斯質素高，無奈合作時間太短，尚未能擦出火花。兩隊都欠缺正面因素，細盤較為可取。