紅牛衝擊火力猛

猪拉多纳

紅牛橫衝直撞殺得性起、對手衝擊火力亦猛，正面對撼一於捧大盤！美職爆發星味大戰，紐約紅牛主場迎戰蒙特利爾衝擊，主隊一個亨利已係入波保證，空中霸王卡希爾近兩戰又包辦三個入波，衝擊亦有意大利名鋒迪華奧助陣，雙方近四對賽三次開大盤，要追！

（周四早上7時30分開賽）
兩強硬撼大盤咪走雞

紅牛今季出閘脫腳，頭四輪都冇贏過，同亨利、卡希爾受傷，中場祖連奴比南布肯奴又未適應新環境有關。就算三人年紀已大，但質素的確超班，近期冇傷冇病打起信心，紅牛就好似加咗對翼一樣，喺美職連贏三場，其中「袋鼠兵」卡希爾犀飛利，兩場入三球幫球隊攞足六分。但查實紅牛後防只屬一般，上仗如非門將路易斯羅保斯救出12碼，未必贏到哥倫布機員。

蒙特利爾衝擊陣中擁有高質意大利兵，其中迪華奧光芒四射，現時已取得四個聯賽入球。衝擊開咧後表現對辦，近三仗一共轟入十球，呢次同紅牛兩強相遇，大盤咪走雞。