|
|
日聯盃分組賽趁國際賽期繼續開戰，大分三神今日喺B組主場對大阪櫻花，受讓都要唔過，其他唔講，淨係睇櫻花中場山口螢請到大阪府地標通天閣嘅幸運之神Billiken幫手，得到神祇保佑旺到爆，就知唔應該同佢哋拗頸，1.85倍客W抵捧！
（開賽時間：周六中午12:00）
通天閣幸運之神放後備席
三神升班後得3和1負，包括日前喺分組賽首戰以1:1打和新潟天鵝，雖然佢哋連續4場有波入，但後防唔生性成日失波，降班格已經開始顯露，搞到高層等唔切緊急簽入維多利亞射手洛迪高馬高斯，但無論佢準備好出場未，未熟地頭睇怕唔似做到救世主，三神未係時候打開勝利之門。
另一方面，櫻花聯賽3連勝後，日前喺分組賽首戰以1:1打和名古屋鯨魚，都咪話唔犀利，開季已經攻入兩球嘅中場山口螢自爆，今季櫻花咁神奇，係因為將通天閣幸運之神Billiken放喺後備席，令佢哋踢落充滿自信同能量，家陣櫻花個勢咁勁，一於追多鋪。
賽制：14支毋須參與亞冠盃之日職球隊，分兩組進行單循環分組賽，每組首、次名躋身8強淘汰賽。
日聯盃B組 |
|
金睛卡
发表于 2013-3-23 08:41
变色卡
显身卡