波圖歎慣私房塞

猪拉多纳

葡超獨腳戲由塞圖巴爾主場對波圖，今季聯賽冠軍仍然由兩支不敗球隊賓菲加及波圖爭奪，為維持爭標有利形勢，波圖當然希望順利砌低塞圖巴爾。其實從對賽往績方面，波圖佔有一面倒優勢，相信今場可以大炒弱隊塞圖巴爾，「讓球客勝」開出機會甚高。

（周四凌晨4時15分開賽）
塞圖巴爾護級揀波搏

於近十次對賽當中，波圖獲得全勝佳績。而其中三場為波圖作客塞圖巴爾，均能以兩球或以上差距勝出。塞圖巴爾因長期被波圖「食住」，對於球員心理或多或少會有影響。其實近幾年波圖都喺葡超呼風喚雨，除賓菲加之外根本冇其他球隊可以威脅到佢哋王者地位，今場對住塞圖巴爾贏面極高。塞圖巴爾今季當然要搶分護級，但面對超晒班嘅波圖，塞圖巴爾未必會太積極。今場倒不如慳番啖氣，留待對戰同級球隊先至再搏過。強弱懸殊對賽，「讓球客勝」可望開出。

另外南美自由盃外圍賽，由厄瓜多爾球隊利加大學主場對巴西球隊甘美奧，主W係唔錯嘅選擇。利加大學主場惡氣十足，高海拔優勢已曾令不少球隊吃苦頭，料利加大學可以輕取對手。