疲兵有後顧 拿玻里要反

猪拉多纳

19/11/2011
文： RichardWelbing

經過廿多年來低沉，拿玻里近季開始反彈，唔止取得歐聯參賽資格，更揚言要爭奪聯賽冠軍。球隊突然喺短時間之內走紅，自然吸引到唔少散戶追捧。但要留意，今場拿玻里有唔少缺點存在，尤其係國際賽之後，對於拿玻里影響就更大。今場拿玻里主場對拉素，要讓波就不值捧，建議捧「讓球客勝」。




（now 633周日凌晨3時45分直播）




拿玻里表現好，故此有大量球員被國家隊徵召，當中以南美球員影響最大，比如拿維斯、卡雲尼、辛尼加、費達歷高費南迪斯等等。球員經過長途機程後，體力必然大打折扣。要留意一點，拿玻里下周中歐聯將要惡鬥曼城，教練馬沙利隨時會留力，未必會與拉素拚盡。


拉素作客有本錢搶分


對手拉素今季聯賽僅一敗，而最值得留意係拉素聯賽客場表現優秀，五場不敗兼錄得八成勝出率，受讓情況下確有捧場價值。縱然德國前鋒高路斯膝部疼痛而缺陣，但施斯、魯歷及靴蘭尼斯今季都有好表現，首都球隊一樣有足夠本錢喺今場搶分。