金頭施拉 75歲生日快樂

猪拉多纳

06/11/2011
文： 蘇斯黑柴

黑柴係漢堡fans，今日同大家講吓漢堡名宿「金頭」施拉（Uwe Seeler），呢位昔日西德一代足球名將，球員時代曾為漢堡喺聯賽取得超過四百個入球，喺世界盃決賽周更曾連續四屆，每屆最少取得兩個入球嘅輝煌紀錄，佢退役後曾擔任漢堡會長，到今日仍然留喺漢堡市定居。


見證港足黃金歲月


講起施拉有兩個原因，第一係佢見證過香港足球嘅黃金歲月，七十年代初佢帶領漢堡訪港，第一場比賽就以十比○大勝港隊，但係第二場以○比一不敵港聯，當時港聯嘅陣容包括仇志強、居里、張子岱同張子慧等名將，實在令人回味。至於第二個提起施拉嘅理由，係佢尋日啱啱度過七十五歲生辰，黑柴祝佢老人家生日快樂！




今晚德甲黑柴冇心水，轉玩意甲，拉素同烏甸尼斯上周中歐霸盃留晒力，目標直指今晚聯賽，主Ｗ二串一有超過兩倍分頭值得一捧。