康駿力度貫注

猪拉多纳

　　沈集成今季頻頻搶攻，目前以九場頭馬暫居練馬師榜首位置，今日谷中之戰，此廐雖然只得三駒列陣，但貴精不貴多，其中「鋼志」及「康駿」均交由白德民執韁，實有捧場價值。

　　出爭第四場四班1650米的「鋼志」，上仗季內初出跑田草1400米，排外檔兼遇上慢步速，沿途處劣勢下，亦能後上追回一席第三，反映目前有分在手。此匹北半球自購馬，踏入今季大有進步，上仗拼後加強備戰，日前於草地拍跳考驗，走來勇熟俱增，埋門踱步走勢亦對辦。今回轉戰谷草一哩，更合此匹中距離馬發揮，轉戰窄場對手實力減弱，白德民肯再効力，可望打開勝門。

　　列陣第五場四班1800米的「康駿」，上仗季內首戰出爭同程，即壓倒「太陽奇妙」贏馬，五歲馬今季大熟大勇。勝後此駒備戰並未放緩，埋門由練馬師親自策騎在草地快試，日前踱步走來力度貫注，狀態更上一層樓。今回再戰勝途谷草1800米，有二檔幫手，可沿途慳位找遮擋，且同場多駒均屬其蹄下敗將，要再捷冇難度。

家明