馬主論戰

魑魅魍魉

捧蔡廐馬有財運

　　沙田向來係蔡約翰主場，估計今日呢個倉都會大舉進攻，先吼實頭場「財運」，來港後做足備戰工夫，抽埋一檔起步，預計全程可守住靚位跑，隔晚飛數已經好硬淨，贏得。另外要吼實尾場「陽明深心」，上場響國際賽日初出，返嚟只係輸少少畀「爪皇盛水」，已經證明質素唔簡單，今次上班孭輕磅其實仲好跑，增程1400米合腳法，可以補中。

張敬山

星火燎原吼得過

　　剛啱巫斯義憑「揀得準」同「金堡龍華」起孖，搏殺手風大順，我睇好佢今日繼續有馬贏。巫斯義坐騎之中，最啱心水係第六場「星火燎原」，上場季內初出跑泥地1200米得第四，只係輸條頸畀頭馬「人緣好馬」，證明場地性能出色，今次再跑同程吼得過。另外鍾意第八場「陽明好好」，近五戰有四次跑入前五名，演出夠準，對手有閃失就輪到佢。

寇鴻萍、梁廷鏘

泥地賽越跑越有

　　蔡約翰今日手馬好惡，頭馬隨時坐二望三，吼實呢個倉應該冇錯。先推介第三場「越跑越有」，早排爆冷贏馬後連輸三仗，兩場賽後驗出有痰，另一次跑泥地1800米，則響末段處窘境未能力策，可以話各有敗因，今次再跑泥地賽，肯定備受忽視，隨時嚟個大變身。另外吼第六場「富貴金龍」，上場響泥地 1200米輕勝，擺明實力大超班，熱都要捧。

任達華