馬場紅綠燈

猪拉多纳

捧都爾一言為定

　　都爾今季同梁定華分道揚鑣，兩人開季至今各贏一場，證明冇話邊個成績特別曳或特別出色；今日都爾有方嘉柏支持，兩匹合作馬「自由勝」及「一言為定」均具贏馬實力，騎者打爭氣波必定搏甩髀。後駒路合檔佳兼磅輕，計落贏得。

健少

蔡約翰真係高手
　　
　　開鑼至今四個回合，方嘉柏斬瓜切菜贏六W，反而上屆冠軍蔡約翰仍捧蛋。今時今日冇人會懷疑蔡約翰的功力，現時愈是按兵不動，只代表稍後的攻勢愈猛烈。今日蔡廐出馬不少，其中尾場「高手」用賴維銘必受忽視，正是出擊好時候。

阿光

我愛您人夾馬緣

　　同人相處，不論同事、朋友抑或拍拖都講人夾人緣，馬圈情況亦差唔多，睇番「好爸爸」上季於一哩錦標取得三連霸，鞍上人就係好拍檔杜利萊；至於同主馬「我愛您」唯一入Q又係配杜利萊，今日呢隻馬操足兼重配呢位好手，要捧場。

王其