|
|
每到暑期，總會有人推測在新季的明星是何駒，像A駒會取代B駒嘅地位，又或是C駒會接D駒棒，當中真係會有幾多成為事實，其實不太重要，因為賽馬活動，除了博彩以外，尚有好多吸引之處，正如我們對某些馬的期望，已是其中之一。
而今季馬會舉辦一個名為《我的至愛新星》選舉，堂堂馬會CEO亦粉墨登場，佢列出了10駒畀大家參考吓，大家可上馬會網睇睇，會唔會對將來揀馬起到作用，呢點係後話，但如果玩埋網上遊戲，有機會贏禮券則屬實。而講開應家柏先生貼咗嘅馬，今日有兩駒上陣，「小橋流水」和「快樂小子」，雖然賠率會係熱辣辣，勝在穩穩陣陣，尤其係前駒，相信外界都對佢寄予厚望，這顆新星呢場贏到係應份，我們可能只着眼於嚟緊國際賽，佢趕唔趕得切而已，屆時新舊短途王對壘，外隊要搶去國際短途錦標，便會難上加難。
講到「小橋流水」，練者沈集成今季的兵力顯著減少，若是季初不振作以廣招徠，可能規模愈來愈縮，故此，以快打慢係必然。而今日佢擺得明星出嚟，其餘嗰兩匹馬都唔可以睇小，「越戰越勇」經過極速減分後，正處於有利水平，而「利之寶」，如果唔係場地太淋，五班1600米惡到飛起。
Jack |
|
金睛卡
发表于 2010-9-12 11:08
变色卡
显身卡