|
|
眾裡尋他千百度，最後都係搵唔到？！人海茫茫，個個想搵Mr（Miss）Right！咬住愛情唔可以當麵包，激情到最後或變了激氣，浪漫去到盡頭，會畀人鬧到狗血淋頭，久而久之唯有求去。咁，究竟邊個會係馬場嘅M rRight？又係咪咁易搵到？的確係一個不錯的課題。
投注好比愛情
某程度上，拍拖和投注有多少相似，花心機、精神、時間、金錢等等，但最後卻未必會有好結局噃！情侶錯配帶來深遠的禍延，或對談戀愛產生抗拒。買錯馬則會加速荷包乾硬化，兩者的傷害性係有唔同，一種係內在，另一種則是外在，不過後果咪又係自己承擔。乾脆唔拍拖（投注）的話，卻又心癢癢，硬係若有所失，生活上總好似缺少了一種元素，度日如年啊！所以，搵個好拖友（投注目標），的確係生活必需。
馬場Mr Right之所以難搵， 好受外來因素影響， 天時、地利及人和嘛，把Mr Right代入騎師王的角色當中，嗰排韋達或柏寶當旺，十幾蚊咪十幾蚊囉！總之夠安全，過程中唔使擔驚受怕，像「盈彩繽紛」7W當日，韋達頭三場已有24 分，去到第六場再添1W，經已定過抬油了。但那邊廂，在該段賽期柏寶可3期冇W，莫講話捧佢騎師王，就算嗰輪買佢獨贏，最終得番半條人命！至此忽然想起一首名曲歌詞：「莫道你在選擇人，人亦能選擇你。」原來M r Right果真不易遇上。
洪禮賢 馬會賽馬節目主持 |
|
金睛卡
发表于 2010-7-18 12:05
变色卡
显身卡