美猴王韋達鍊梗！！

魑魅魍魉

韋達爭冠軍，阿蔡玩失魂，沙田煞科食完頭胡發蹄騰，領先柏寶只得兩場係家陣，十連冠寶座未坐穩。好彩倉主仲有華人，文哥今晚尾場醒隻「美猴王」堪稱上品，谷草1200米六戰五勝全組冧巴溫，大勝一場仍有機會超越「盈彩繽紛」，最大進步馬匹獎可以一爭，人馬戰意鮮明唔使諗，「美猴王」今晚韋達鍊梗！
       
美猴王
韋達：

今次能夠重執「美猴王」帥印，我當然感到興奮，畢竟此駒季內於我胯下連場取得佳績，三戰谷草千二米更未逢敵手，剛戰初跑田草不敵強手「盈彩繽紛」亦無話可說，今次重返首本路程，把握肯定大得多。唯一考慮之處是「美猴王」要孭到133磅，對一匹三歲馬而言必構成壓力，幸好檔位不差，埋門單試走勢亦吸引，依然是爭勝要角。
       
白德民
威騰體力贏晒

白德民：「威騰」今季復出較遲，相對於主要對手「美猴王」，體力佔有一定優勢，況且較後駒孭少一磅，肯定可以給予極大威脅。狀態方面，「威騰」剛戰與「盈彩繽紛」及「天久」火併一場後，復課走勢依然出色，近況明顯回勇，谷草千二米是最佳路程，只要步速正常，憑後勁可推翻大局。
       
沈集成
鼓浪天風忠心搭夠

沈集成：由於賴維銘正值停賽，另一位夾慣夾熟的騎師杜利萊又提早抖暑，今次找來勞愛德替「鼓浪天風」主轡，日前讓騎者過檔快跳仄準，馬兒狀態依然保持一定水準。以此駒目前評分，續爭一班谷草千二米，爭勝機會並不算樂觀，勝在忠心之馬末段每每交出凌厲後勁，可藉此爭入前列。
       
葉楚航
龍武軍輕磅再偷襲

葉楚航：為了讓「龍武軍」成為跑馬地百萬挑戰賽冠軍，季中安排馬兒連場拚搏，幸好最終完成目標，但此駒亦付出不少氣力，回復需時。畢竟是谷草專家，剛戰牠回師細場跑千二米，藉幾匹主要對手受阻，竟後上跑入亞軍，反映牠處於目前評分仍有競爭力，今場續負輕磅，依然可恃路程專長偷襲。