苗禮德幫精英財星破處

魑魅魍魉

苗禮德最近化身做處女馬殺手，繼剛啱禮拜三成功幫「朝東之星」、「高飛飛」同埋「睡得好」開齋後，尋日輪到另一隻處女馬「精英財星」發威，喺第三場四班千四米力壓「旅遊大亨」掄元，終於一嘗頭馬滋味，幫阿苗再將招牌省靚。
       
精英財星在馬偉昌胯下次熱取勝。

賽後苗禮德話「精英財星」初初嚟到佢馬房嗰時，呢隻馬都有唔少壞習慣，出閘又唔係咁穩定，所以都花咗啲時間調教。之不過，阿苗就話「精英財星」上幾鋪都有機會贏，可惜次次都檔差，今鋪卒之抽個2檔，補中非常合理。佢仲爆響口話呢隻馬有三班實力，就算下季上班跑，一樣有頭馬喺手。