強哥400W暖在心頭

魑魅魍魉

吳定強喺季尾呢段時間氣勢如虹，尋日又靠第二場嘅「暖在心頭」增添進帳，馬房連贏五日之餘，佢仲攞到從練以嚟第四百場頭場，咁啱呢隻馬係佢好友鄭是鳳擁有，真係零舍有意義。
       
吳定強連勝五日氣勢如虹。

其實呢隻「暖在心頭」舊年十一月跑咗一場，之後抖咗六個月先復出，熱咗身兩鋪今次增程千八就打開勝門。強哥賽後就話呢隻馬稚嫩少少，寧願畀佢試多啲閘反而唔上陣，等到隻馬成熟啲先搏殺，依家證明佢自己嘅判斷正確，同埋自從加咗眼罩的確對「暖在心頭」有啲幫助，希望可以愈跑愈好。
       

值得一提，吳定強同柏寶今季喺五班賽合作過五次，贏咗四鋪，日後記緊吼實呢個組合嘅五班馬。