洪禮賢講馬：捧卓爾非凡

魑魅魍魉

　　第十場二班1600米。「卓爾非凡」上場在谷草1800米的表現比預期差，除了因為贏唔到之餘，佢個第三名只係掹掹緊，同時，亦顯示出呢匹馬現階段仍然跳唔出中距離嘅框框。呢次即刻縮回1600米，大摩肯面對現實，證明想盡快交代；上周原本配白德民，呢次轉用梁家俊，減得五磅得五磅，跑得出之前入Ｑ水準，有望開齋。

　　第十一場二班1400米。柏寶為騎「軍旗」，連115磅都頂硬上，單是誠意都夠晒（今季117磅或以下共騎5駒，得1冠2季1第五名）。而此駒上場原本可以再跑好啲，可惜騎者在彎前處理有誤，若不，唔會連Ｐ都冇，估計呢次再跑會叻好多。