洪禮賢講馬：力撐好兄弟

魑魅魍魉

　　第六場三班1650米。「好兄弟」（圖）目前分數唔係有咩優勢，勝在今季跑得少，來到季尾仍然好氣好力。當然，睇佢近兩場表現，好似唔多開胃，之不過，班次與場地俱未配合，跑得唔好正常。嘩，要佢在一二班的田草上名，盛年之時都唔得，故此，近仗之敗絕對要體諒。今次落番三班，肯重返此程之餘，仲用到柏寶，唔難入三甲。

　　第七場一班1200米。「美猴王」冇咩好挑剔，谷草1200米，跑5場未輸過，而冇一場勝仗贏得辛苦，其實正確啲咁講，應該係冇一場有對手可以有本事埋到身；升到一班又如何，對手來來去去又係「高點」、「鼓浪天風」等，哪有阻力啊。