甜蜜至上終有回報

魑魅魍魉

雖然近排有啲馬流失，但係仲有馬主依然好有耐性，繼續支持強哥。好似「甜蜜至上」嘅馬主許浩明，愛駒早喺05年到港評 88分，但跑咗幾季都冇表現，卒之等到近排隻馬落到五班，叫做有番啲嘢睇。
       
甜蜜至上馬主着番自己綵衣紫色衫入場拉頭馬。
叫晒公司朋友打氣

尋日「甜蜜至上」跑五班田草1200米，搵埋柏寶幫手，許生仲特登着番件同愛駒綵衣顏色一樣嘅紫色衫，叫埋自己兩間公司嘅朋友入場打氣，結果愛駒冇令到主人失威，終點前一步擒低隻「時時有機」，攞到喺香港嘅第一Ｗ，認真可喜可賀。
       

睇番資料，柏寶今季幫過強哥騎過四隻第五班馬，結果有三隻順利贏馬，數據強勁，下次不妨吼實。