雄心馬主匆出補鑊

魑魅魍魉

林培雄現時名下有「雄心馬主」和「雄心威龍」，分別養喺苗禮德同埋呂健威馬房，不過今季運氣就硬係差啲，兩匹愛駒都試過飲恨第二，與頭馬擦身而過。「雄心馬主」、「雄心威龍」今日分別列陣第六、七場，兩位練者不約而同睇好自己隻馬嘅機會，馬主林咪可以贏口同主孖寶威番次？
  
雄心馬主上周六後追入Ｑ，近況仍弗。


雄心威龍配合出擊


「雄心馬主」剛啱禮拜六跑入亞軍，過完終點無耐，就見老苗滿腔怒氣衝落解鞍處，好明顯對何澤堯嘅發揮唔多滿意，呢次匆出兼易配舊主帥鄧迪，誓要補鑊。至於守尾門嘅「雄心威龍」，威哥表示上場落敗只因痰作怪，今次賽前做番晒工夫，再由韋達試閘仄準，健康無晒事，可望收復失地；威哥仲話只要「雄心馬主」贏出，佢就好有信心幫馬主林完成起孖重任添！