賠率有路捉：讚惑熱透有玄機

魑魅魍魉

　　頭場「讚惑」上仗面對「軒轅勇將」同「獵豹小子」完全冇得鬥，加上呢類新馬場合，馬迷通常睇住賽績嚟賭，好難估計到噚日早飛「讚惑」居然係25蚊大熱W，根本冇將「軒轅勇將」同「獵豹小子」放在眼內，明顯有人好有把握呢匹兩歲新馬今日會有脫胎換骨表現。睇番大摩最近兩匹質新馬「神州八號」同「活力至寶」跟跑一仗後，喺第二仗大幅進步下贏馬，「讚惑」可以放心買落去喇。
   
　　第二場五班長途亂局一場，但睇飛「魅力影子」信心唔講得笑，早飛熱到得60蚊W，位置仲要係18蚊大熱，以一隻跑過二十七場都未勝嘅低班馬嚟講，呢啲一定唔係公眾飛，絕對信得過。
   
　　騎師王方面，剛戰韋達停賽，柏寶立即封王。前者繼續坐馬監，今日柏寶繼續一手惡馬，單係「靚好聲」、「芙蓉威龍」、「開心自在」同「傾力之城」已經足夠稱王，十幾蚊真係有買趁手。　

周仲