成哥傳授天下兵器

魑魅魍魉

尚餘不足三月便告抖暑，冠軍騎師寶座韋達與柏寶依然爭持不下，然而澳洲好手潘頓上季以43場頭馬排在韋、柏之後，認真唔簡單；現時潘頓已取得31Ｗ，仍然躋身Big 4之列。為下季爭冠鋪路，潘頓近期積極開拓線路，明晚罕有與沈集成合作，一騎就騎馬房團體馬「天下兵器」，而練者對今仗亦相當重視，更親自向潘頓臈路。
昨朝當潘頓首度替「天下兵器」於千八米草地過檔後，喼主一早已在機坪霸定位接馬，騎練甫見面即雞啄唔斷，成哥不停向潘頓講解此馬特性，騎者則擺出一副洗耳恭聽模樣，動態認真！且看成哥能否繼剛戰「按得快」後，再贏另一匹馬房團體馬，省省招牌。