首都三雄分天下

猪拉多纳

智利甲組聯賽分春季同秋季兩輪賽事，每季聯賽採單循環，冠軍球隊可出戰南美自由盃賽事。智甲除咗班霸高路高路之外，亦有兩支同是來自首都聖地亞哥的強勁對手；曾十六次贏得聯賽冠軍嘅智利大學，近兩年陷入前所未有嘅低潮。智利大學今季聘請前天主教大學教練馬田拿沙迪執掌，又從艾斯賓路拿簽入前鋒古斯達禾簡拿尼斯，再配合加上多產射手柏迪斯奧魯比奧，可望為球隊帶來更多入球，重新挑戰錦標。

天主教大學過去曾十次奪得聯賽冠軍，今季由前小保加教練法斯奧尼接手，上季効力侯治柏度嘅射手拿伊奧斯加盟，配合前利物浦翼鋒麥克干沙利斯，相信成績有望穩步上揚，甚至向聯賽冠軍進發。