馬賽兵疲搞唔掂聖伊天

猪拉多纳

今日阿King集中推介法國波，其中法甲馬賽主場對聖伊天，捧下盤！馬賽人腳的確較佳，不過佢哋近期要兼顧歐聯，6日內踢第3場，唔攰就假，上仗悶和巴斯蒂亞演出極曳，疲態盡露，隔幾日匆匆再戰，好難期望咁快回到氣。聖伊天於歐霸盃出局後可專心踢聯賽，近4次對賽，聖伊天3次唔使輸，呢次受讓平半好筍！

（周三凌晨3時開賽）
歐塞爾遇弱嗒糖

另外拖埋2隻法乙，歐塞爾主場對ＣＡ巴斯蒂亞，客軍呢支升班球隊明顯唔夠班踢法乙，本季開咧後8戰未贏過，近3場仲衰到入唔到波。歐塞爾一向係門口狗，遇弱可直取「讓球主勝」。另一場勒哈弗爾主場鬥伊斯特尼斯，雙方近期大打開放足球，捧大盤啱數。