拜仁內訌讓唔起史浩克

猪拉多纳

保定兄弟對決冇情講！

德甲今晚爆發重量級大戰，兩支歐聯代表史浩克04同拜仁慕尼黑正面交鋒！論開季成績，拜仁當然好過主隊多多聲，不過最近佢哋個總監森馬發口痕，無端端走出嚟鬧拜仁眾星冇激情，成日踢悶波，結果演變成高層罵戰，對士氣點都有啲打擊；相反史浩克04喺轉會窗最後階段買到奇雲保定，成班波升晒呢，今晚有力令拜仁失分，受讓一球當然要撐2.62倍「讓球主勝」！

（有線61、64、201及203周日凌晨0:30直播）
森馬 漢尼斯爆罵戰

史浩克04開咧後連環甩拖，好在班波及時撥亂反正，喺轉會窗完結前連掃奇雲保定同艾奧高兩大好波之人，戰鬥力大幅提升，近兩場聯賽連贏利華古遜同緬恩斯，球員信心返晒嚟，即使亨特拉爾仍受傷患困擾，都有施沙拉爾夠晒質素孭起條鋒線，唔好忘記佢哋有德國神童達斯拿喺中場派牌，呢個正選班底喺德甲當然夠殺啦！

係，論班底，拜仁當然更勝一籌啦，但呢支德甲超級強隊開咧後表現似乎強差人意，聯賽到依家都未贏過盤，教練哥迪奧拿自然備受質疑，搞到總監森馬上輪聯賽後都忍唔住公開插班球員，話佢哋唔夠進取、踢悶波！雖然阿占都同意今季嘅拜仁無上季咁Sharp醒，但森馬未得其他高層同哥帥同意就亂發炮搞亂檔，難怪拜仁會長漢尼斯都走出嚟反插森馬啦！睇住班高層喺度內訌，拜仁球員又點集中精神呀？今晚呢場「保定兄弟對決」，小弟都係撐大佬奇雲，打殘細佬謝路美好啲咯！
頂占筍盤：史浩克04（讓球主勝）