|
|
世盃外亞洲區第5圈次回合激戰今晚上演，烏茲別克主場對約旦，不妨追1.62倍入球細。首回合踢成1:1，兩隊都冇咩辦法入波，撞啱烏茲別克又防線不整，就算主場都唔似會同對方鬥攻囉！
（now671台周二晚10:00直播）
烏茲別克首回合只靠隊長迪積佩洛夫射入救命波扳平，淨係靠呢個兩屆亞洲足球先生，好難多波入。而且今仗仲有正選門將尼斯迪洛夫同埋後衞克里美特斯養傷，既然佢哋有作客入球喺手，形勢上真係唔需要不顧一切搶攻喎，否則後防有缺口仲同人駁火，到時先失波就肯定頭痕。
另邊廂嘅約旦都冇乜入波本錢，首先曾經喺皇馬受訓嘅前鋒巴華比，最後冇歸隊唔使預佢，其次喺希臘球會薩丁搵過食嘅射手艾沙菲，首回合只不過後備落場，咁嘅款唔慌會鬥攻。
亞洲區首回合：烏客和1:1 |
|
金睛卡
发表于 2013-9-10 11:22
变色卡
显身卡