弗賴堡遭瓜分難敵利華

猪拉多纳

弗賴堡係上季德甲最令人驚喜球隊，呢支小球會最終以第5名過終點，主帥施特拉希亦當選最佳教練，風頭不遜拜仁嘅三冠教頭軒歷基斯。不過小球會攞到超額成績，好多時都無法避免被挖角嘅後遺症，弗賴堡陣中多名表現出色嘅主力今夏被列強瓜分，球隊實力大跌Watt，施特拉希巧婦難為無米炊，今晚作客面對聯賽三哥利華古遜聽炒格，捧2.05倍「讓球主勝」。

（有線64及203台周六晚9時30分直播）

弗賴堡今夏連環失血，主力球員包括麥斯古斯、馬基亞迪、卡利古尼、富隆同真羅辛度相繼他投，補入嘅球員當中，只有老將前鋒漢基較有經驗，其餘都有待磨練，短期內戰鬥力無法同上季相提並論。

另一邊廂，利華古遜雖然失去咗舒賀爾尼同丹尼爾卡華積，但補入嘅孫弘民、羅比古斯同古利奧當拿迪都甚有分量，中場小將悉尼森姆喺熱身賽同德國盃表現大勇，今晚主場出擊有力輕勝一仗。