碧咸處子戰聖日耳門秤先

猪拉多纳

今晚巴黎聖日耳門作客索察場法甲將會成為全球焦點，皆因有傳碧咸今場會處子上陣吖嘛！不過小妹相信跟操冇耐嘅「咸哥」對戰局影響相信唔會太大，以PSG嘅陣容，炒起護緊級嘅索察唔係難事，一於取2.06倍「讓客」！

（開賽時間：周一凌晨4:00）
近13場正式比賽12勝

「咸爺」嘅PSG處子戰當然係一大看點，但佢根本未融入隊波，落得場都未必搶鏡，真正喺聖日耳門擔大旗嘅，依然係以21個聯賽入球領先射手榜嘅伊巴謙莫域，尤其佢喺上仗歐聯食咗面過嚴嘅紅牌，谷埋一肚氣，小妹就睇好佢今場攻破索察大門，出番口冤屈氣喇！而且拿維斯同柏斯托尼近3場都分別有「士哥」，要數胡根本冇難度。

巴黎聖日耳門近9場聯賽只係失過1球，證明佢哋攻得又守得，雖然堤亞高施華因傷仲未好番，但預計教練安察洛堤會用馬馬度沙高夥拍阿歷士洛里高鎮守中路，防線唔會受太大影響。家陣喺降班區嘅索察23場法甲先得22球進帳，面對近13場正式賽事贏足12場嘅聖日耳門，今場睇怕都要吞多幾隻蛋喇。