拜仁1.48倍W咪嫌熱

猪拉多纳

19/11/2011
文： 阿占

德甲今晚爆發重量級大戰，由榜首拜仁主場迎戰目前排第二嘅衞冕冠軍多蒙特。呢場「國家打吡」，多蒙特隨時要留力喺下周中歐聯搏殺，所以阿占睇好拜仁可以喺地頭發威，一於捧1.48倍主W。




（有線61、64、201及204周日凌晨1:30直播）




拜仁今季重現王者本色，無論歐聯定德甲都踢出冠軍風範。就算中場大腦舒韋恩史迪加重傷，佢哋一樣有湯馬士梅拿、拿姆、謝路美保定、卻奧斯、馬里奧高美斯等德國國腳壓陣。啱啱德國清風送爽3:0大炒荷蘭嗰場，就有5個拜仁球員正選落場，證明拜仁實力同狀態一流，而且馬里奧高美斯近3場入6球更加係入球停不了。


拜仁德國幫+雙翼當弗


唔好忘記除咗班德國兵外，法國翼鋒列貝利呢輪都係Top Fit，加上好拍檔洛賓最近已經復操，今場有機會復出。喺班德國幫度插上呢對飛翼，拜仁嘅戰鬥力真係非常恐怖。睇番佢哋主場已經9連勝兼每場至少入兩球嘅佳績，今場要開W唔難。




客軍多蒙特經歷季初小低潮後，近期都全面回勇，可惜賽前消息話佢哋個國腳守將舒姆沙受傷，同中堅蘇保迪都係未必踢得，要頂住拜仁嘅攻勢更加牙煙。況且多蒙特嚟緊歐聯仲有兩場生死戰要應付，相反拜仁喺歐聯出線形勢大好，根本唔需要分心，今場有本錢砌到盡，趁多蒙特有後顧之憂攞佢命！


頂占筍盤：拜仁慕尼黑 主勝


有線球彩台主持阿占

電郵：soccer64@cabletv.com.hk PHONE波熱線：1831 678

「超級星期六」開放時間：周六晚10:00至周日凌晨3:30