阿仙奴重現霸氣搶客Ｗ

猪拉多纳

19/11/2011
文： 張志德

英超今季前列大執位，昔日Big4其中兩隊阿仙奴及利物浦暫時跌出爭標行列，兩隊相比之下，兵工廠情況較好，演出亦已復甦，近十一場賽事取得九勝一和一負，有番以往霸氣。因此，細鬼認為阿仙奴今晚英超作客諾域治，應可以再下一城，客Ｗ1.6倍穩陣。




（有線300及200台周六晚8時45分直播）




阿仙奴依家排第七位，主因係季初嚴重失準所致，但近兩個月表現愈來愈好，包括盃賽在內，近十一場贏九場，證明球隊已重回正軌。雖然話兵工廠防線麻麻，但勝在攻力夠勁，足以彌補後防缺失，而且球隊歐聯出線形勢大好，可以放更多力量應付英超，更令人睇好佢哋今場能夠全取三分。


諾域治往績唔夠揪


至於諾域治雖然位列中游，但實際戰績並唔好，對住勁旅車路士及曼聯，固然輸波，甚至主場迎戰西布朗，都全失三分，好難期望佢哋可以喺兵工廠身上搵到着數。再睇雙方對賽紀錄，近三次交手阿仙奴都淨贏三球或以上，諾域治最近一次贏兵工廠，已經係九二年，無論計往績、實力、近況，阿仙奴都佔有壓倒性優勢，贏波十拿九穩。


張志德


本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。