馬里迪莫葡聯盃盡數

猪拉多纳

12/11/2011
文： RICHARD WELBING

葡聯盃一向少人留意，但只要大家肯花多少時間刨吓波經，其實盃賽一樣有投X價值。各地盃賽初段總有唔少實力懸殊賽事，就好似葡聯盃第二圈次回合，葡超馬里迪莫主場對馬迪亞拿，前者為葡超前列球隊，今季演出極之穩定，有望在盃賽輕取低一級的甲組仔，「讓球主勝」可優先考慮。（周日凌晨零時開賽）


首回合領先馬迪亞拿3:2


葡超球隊馬里迪莫今季表現有明顯進步，聯賽成績僅次於「Big3」，大有機會取得來季歐洲賽入場券。另外球隊對於盃賽亦抱認真態度，今季喺葡聯盃及葡萄牙盃都順利晉級，包括較早前喺首回合以三比二擊敗馬迪亞拿，預計今次喺主場會繼續保持專業態度，以勝利為目標。葡甲嘅馬迪亞拿，今季喺聯賽都踢唔掂，積分仍然處於個位數。相信球隊會以護級為主，唔會放太多精神同心機落盃賽當中，尤其今場對手係葡超新貴，馬迪亞拿更無謂逞強，客隊多方面都欠支持理據，以兩球或以上差距落敗都好正路。