鴨巴甸止血大翻身

猪拉多纳

30/09/2011
文： 法比加輝

周六凌晨蘇超獨腳戲，鴨巴甸會在主場對鄧弗姆林。升班球隊鄧弗姆林近期已經完全「現形」，近五場輸咗四場之餘，失球數字亦頗為驚人，近五場失十五球，所以今場絕對係鴨巴甸嘅止血良機，加輝建議捧主勝以及入球大。（周六凌晨2時45分開賽）




加輝早已經批死鄧弗姆林唔夠班踢蘇超，事實亦證明佢哋冇料到，近五場輸四場，合共失咗十五球之多，平均一場失三球，防守力極之差劣。




雖然鴨巴甸近況同樣欠佳，近五戰未嘗一勝，但球會高層已經表明無意向領隊奇治布朗開刀，仲話會力撐佢帶領球隊走出谷底添，對球隊士氣有正面影響。鴨巴甸今回擁主場之利下，面對聯賽最弱嘅鄧弗姆林，確實再冇不勝嘅理由，估計主隊可以喺今場止血。