局內人：龍騰貪鄭雨滇夠硬淨

港陌

　　蔡約翰馬房今日有幾駒參戰，其中最值得留意的是第四場「龍騰」，此駒上仗跑泥地落敗，今次捲土重來，依然選擇在泥地賽搵食，可知蔡約翰對其泥戰實力甚有信心，今次降班上陣形勢不同，但配搭方面則加強，改由經驗較豐富的鄭雨滇執韁，因為這匹身材頗為龐大之馬，懶性亦重，不易發揮，改配騎功較硬淨的騎師，方可發揮其潛力，此駒未有過好表現，不為人注意下必有好分頭，實為可一敲之冷馬。

　　胡森馬房今賽有不少實力馬，馬房中人指出，最要留意的是第七場「奇異福星」及第十場「至勇飛龍」，前駒是泥地好手，牠現時口勁甚重，一放難收，所以不宜跑太長途程，1200米最理想，今次負磅輕，又抽得好檔位，搶出有力直放而返。「至勇飛龍」則是當起之馬，上仗只得幾成狀態亦能取勝，可見實力不弱，拼後狀態有增無減，路程正宗，只是排檔稍差，作配無妨。

　　大摩馬房則謂頭場「心歡笑」有機會爭勝，此駒上仗跑草地亦爭入亞席，足見狀態復勇，今番跑泥地1200米是其所長，幕後求勝心切，對手不是太強，應有極大勝望。

梁杰