高清睇跑馬：演出忠心 值得信賴

博彩老头

　　「信賴」在港雖然只贏過兩場頭馬，但演出其實好忠心，至今已累積11亞13季，歷來上名率逾四成半。

　　今季「信賴」已經上過陣，於總場次20出爭田草1400米，雖然被頭馬「陸豐福星」彈甩五個馬位，但能夠趕過「南陽望族」入Q，表現並不失禮。事實上，當日臨場有雨，場地較慢本已不利後追馬發揮，「信賴」更要去到最後三百米才搵到空位發力，遲望空下仍追入Q腳，其實已算難得。

　　經過此仗熱身後，估計「信賴」今仗表現會更好，續跑1400米而同場冇惡馬在陣，只要交出上仗水準，要上名或贏馬不難。

贏啲啲路程性能廣泛

　　「贏啲啲」上季可算過了豐收的一季，12次上陣全部有獎金，起初只得個近字，頭五戰最叻跑第二，到總場次478場終於在泥地1200米打開勝門，其後更大放異采，一連六仗不勝有位，最厲害是不論跑1200或1800米都有好表現。

　　其中總場次620的谷草1200米，「贏啲啲」便贏得相當輕鬆，以個多馬位彈甩接戰補中的「勝利金剛」，而該役季軍「喜在心頭」之後兩戰亦全部上名，足見賽事水準極高。雖然「贏啲啲」之後兩戰未能再贏，但一仗僅以頸位之差飲恨，另一仗亦不過輸半個馬位，證明現時評分尚未飽和。今戰季內初出跑泥地一哩必合發揮，加上今次為易主之後首戰，鬥志旺盛，力足言勝。

Sam