雷勁論戰：清新空氣試準出擊

魑魅魍魉

　　徐雨石今季成績不俗，經過五次賽事已取得四場頭馬，擺明車馬要在季初搶攻。目前徐廐養馬量近乎爆倉，為了要向各馬主交代，實在有必要及早交功課，故此有機會的馬匹必會把握機會搏殺。

大把在手放到

　　今日谷中之戰，徐雨石馬房共派七駒上陣，全部實力不弱，其中出爭第八場三班1200米愛爾蘭錦標的「大把在手」，便甚具留意價值。此駒在上季尾才開始成熟， 先後取得一勝一位，表現已穩定下來，今季復課後更見進步，馬身比前粗壯，晨課亦比前淡定許多，早前試大閘亦有好反應。今戰負磅不重，馬有速度，有力一放而返，有望奪標而回。

　　另一匹要留意的徐廐馬是「清新空氣」，此駒一向以前置跑法搵食，排內檔的表現特別出色（見表），上季更曾試過排內檔在田草1200米贏馬；今次出爭谷草1000米，抽得二檔起步有利其跑法，爭勝機會大為提升。

　　事實上，今季「清新空氣」成熟程度更進一步，賽前操練工夫做足，韋達摸過多課之餘更親自替牠試大閘，走來有前有後，今次同場對手不多，四歲馬應可在此重響勝鼓。

　　蔡約翰馬房方面，最睇好第九場的「迎風起舞」，練馬師向來對此駒睇得甚高，上季取勝之後持續進步，馬在二班有超卓感。上季已曾在谷中贏過馬，跑道適應能力沒有問題，今番季內初出有新鮮感，跑一哩亦不嫌短，配韋達有力取得跨季孖寶。