朝早有動靜：柏寶重視文武維揚

博彩老头

　　周四谷草日馬文家良馬房出六駒，當中不乏實力分子，應不難取得頭馬進帳；昨朝「文武維揚」柏寶、「一團威」白德民等戰馬分批出試，人馬出圈前，練者在跑道出口向騎者交帶指示，神情緊張，看來已有出擊意圖。

　　列陣第二場四班1000米的「文武維揚」，此匹質新馬款頭十足，今季復課以來操練無間，埋門更由柏寶連摸多課，足證受重視，而且每次課後均見騎練密斟，昨日又出現相同鏡頭，明顯今仗應有計，值得多加留意。

　　另一方面，苗禮德馬房之「好運得福」昨朝由副練策騎前往內圈踱步，雖是一課普通工序，但仍見練者沿途跟到實， 當操罷返回沙圈時，又見苗禮德親自接馬，並吩咐鞍上人策馬行圈，好讓他仔細打量。

　　大約五分鐘後，練者再陪同人馬返馬房， 舉動極之肉緊，今次休出報爭谷草1650米，既然牠跑谷草從未失Q，計落絕對有捧場必要。

韋柏