高清睇跑馬：新意思 熱完身贏

魑魅魍魉

　　「新意思」對上兩季在沈集成馬房得兩勝六位，最吸引是上季總場次571，該役牠初跑田草1600米，鞍上人潘頓一如以往跟前守好位，入直路抄出中檔望空追趕，估不到即衝刺如箭逢馬過馬，最後大勝三個多馬位，季軍「標青」接戰補中，亞軍「靚好聲」季尾於強組贏馬，足證水準有保證。

　　可惜「新意思」之後兩戰無功，季尾更轉投方廐，本來安排於煞料田草上陣，卻因健康不妥退出；今季開鑼日跑1400米，早段推騎反應平平，繼而被迫留後及走三叠，最終僅追回一席第五。已作熱身的牠今次應有不同睇法，幕後選擇跑谷草一哩必有見地，係時候替練者省靚招牌。

　　另外，「睡得好」向來有縮耳壞習慣，苗禮德接手後即作出針對性訓練，過了不久便糾正弊端，上季尾兩戰更獲冠季各一。尤其總場次744於谷草一哩排十檔，但一早已守好位，入直路馬偉昌輕輕推策下反應一絕，最後按韁大勝三個多馬位，時間更快至一分三十九秒三，表現令人驚喜，一再證明谷戰威力強勁。今晚人馬重來再爭勝途，負輕磅及排五檔均是有利條件，再贏無難度。

Sam