|
|
近年馬場最興係講啡格力量，賠率大變動嘅馬，往往連賽前戰績差劣嘅都入到嚟，一次又係咁，兩次又係咁，已經到咗近乎信者得救地步，當然，啡格力量唔係長勝將軍，冇可能隻隻點石成金，不過，畀人掟得大錘嘅，就算嗰期唔得，可能係「遲到」咋！
第五場「彩旗飄飄」已經係其中之一，上季尾二嗰場，喺田草1800米後上入Ｑ，輸畀上番四班仲上到名嘅「暖在心頭」，賽績幾好。翌仗轉到谷草1800米，拉士打到9倍Ｗ唔夠，但就追唔切。呢次隔了兩個月，有足夠新鮮感，1400米唔會嫌短，有埋3檔，可留可放，更加好跑。
而第七場「樂意洋洋」，剛季尾在同程落飛就犀利啦，由廿倍過外，一路跌到得6倍半開閘，一隻上季全無表現嘅馬，竟然有咁大吸引力，睇埋佢該役即刻名次近番，就知道係復甦嘅先兆。目前減到95分，已貼近前季第3捷時嘅分數，唔應該有壓力，忽然爆出嚟唔奇。
張平 |
|
金睛卡
发表于 2010-9-5 10:30
变色卡
显身卡