|
|
日前閱報，睇完一篇行家嘅文章，真係有感而發，佢嘅內容大致講到賽馬文字傳媒今非昔比，但另一方面，外國月亮依然係咁圓，如日本的賽馬刊物，整個行頭，報紙或簿刊賣得貴啲，仍然銷情理想，佢仲講到，真係好想此地的行頭，有朝一日可有此光彩。
對於有番咁上下年資的馬友而言，應該經歷過賽馬的火紅年代，筆者年紀雖小，總算有幸感受到當時各界對賽馬的那股熱誠（可能係後現代吧），周圍撲馬牌入場、投注站排隊排到出馬路、出街食親飯梗係有幾枱講緊馬（依家就講緊讓半球一球）、坊間關於賽馬刊物成行成市等，總之，當時成個香港，有關賽馬嘅聲音，滲透性好犀利。
可帶動周邊行業
還記得那年代，讀者群如我，每逢賽前一日，下晝3、4點左右，人人就企定定喺報攤等嗰份賠率早紙，至於排位嗰日，人們就更加熱誠，點會去到目前的境地，幫襯一份可能已經嫌多。其實任何行業如遇上火紅年代，當可帶動埋周邊行頭的經濟，像往日資訊仲未到爆炸的年代，報紙數量多得很（好多張已經消失得冇影冇踪），市民一次過買三兩份視作閒事。究竟賽馬呢行有冇機會重遇火紅年代，整個行業百花放呢？
希望有生之年可以再睇得到，起碼可以推動和創造到行內的就業機會，大家唔會愈做愈縮，至此又諗起首歌......夕陽無限好，卻是近黃昏......。
洪禮賢 馬會賽馬節目主持 |
|
金睛卡
发表于 2010-8-21 08:43
变色卡
显身卡